जनताका छोरा मर्दैछन् तर विप्लवका छोरा डाक्टर पढ्छन्, शानसँग बस्छन्

जनताका छोरा मर्दैछन् तर विप्लवका छोरा डाक्टर पढ्छन्, शानसँग बस्छन्नेत्रविक्रम चन्द उर्फ विप्लव । महत्वाकांक्षी नेताका रुपमा चिनिने विप्लवले जनताको रोजगारी प्रभावित हुने गरी कैयन पटक विभिन्न क्रियाकलाप गरेका छन् । सार्वजनिक स्थलमा बम राखेर सर्वसाधारणको ज्यान लिएका पनि छन् । एकीकृत जनक्रान्तिको नाम दिएर शान्तिपूर्ण आन्दोलन गर्ने बताइरहेका विप्लवले गरिरहेको क्रियाकलापबाट आइतबार मात्रै पनि चार जनाको ज्यान गयो ।विप्लव समूहले गर्ने क्रियाकलापले सोमबार पनि धेरैजसो विद्यालय, कलेज बन्द छन् । विप्लव निकट विद्यार्थी संगठनले चन्दा नदिएको झोंकमा पनि शैक्षिक हड्ताल गर्दै आएको छ । एनसेलले चन्दा नदिएको भनेर एनसेलका टावरमा बम विष्फोटका मामिला पनि चर्चामा आउने गरेका छन् जनताका छोराछोरीलाई प्रभावित पार्ने, पढाई प्रभावित पार्ने विप्लवले आफ्ना सन्तानलाई चाहिँ यस्तो आन्दोलनमा के काम दिएका होलान् ? भन्न् प्रश्न उब्जिन सक्छ । यो प्रश्नको जवाफ भने अनौठो छ । विप्लवका पुत्र प्रकाश चितवनमा एमबिबिएस पढ्दै छन् । उनी मेडिकल माफिया भनेर पनि आलोचित हुने हरिष न्यौपानेको चितवन मेडिकल कलेजमा एमबिबिएस अध्ययनरत छन् ।विप्लवको आफ्नै कुनै आय र जागिर छैन । तर डाक्टरी पढाउन कम्तिमा ५० लाख रुपैयाँ खर्च हुन्छ । यति धेरै रकम विप्लवले कसरी जोहो गरेका होलान् ? भन्ने कौतुहलता जाग्न सक्छ । सम्भवतः विप्लवसँग पनि प्रचण्डसँग जस्तै जादु गर्न सक्ने एक तोलाको सुनको सिक्री र एक कठ्ठा जमिन पो छकी ?
-नेपाल आजबाट

Please follow and like us:

Leave a Reply

Your email address will not be published. Required fields are marked *